டெங்கு தடுப்பு மற்றும் கட்டுப்பாடு என்பது டெங்கு வைரஸை பரப்பும் ஏடிஸ் வகை கொசுக்களின் பெருக்கம் மற்றும் பரவலைத் தடுக்கும் நடவடிக்கைகளின் தொகுப்பாகும். வீடுகளிலும் சுற்றுப்புற சூழலிலும் தேங்கி நிற்கும் நீரை வாரத்திற்கு குறைந்தது ஒருமுறையாவது அகற்றுவதானது கொசு இனப்பெருக்கத்தினை தடுப்பதில் முக்கிய பங்கினை வகிக்கின்றது.

நீரை சேமிக்கும் பாத்திரங்களை மூடி வைப்பது,மற்றும் பழைய டயர்கள், தேங்காய் ஓடுகள், போத்தல்கள் போன்றவற்றை முறையாக அகற்றுவது கொசு பெருக்கத்தை குறைக்க உதவும். மேலும், கொசு வலைகள், கொசு விரட்டிகள் மற்றும் முழு கை உடைகள் பயன்படுத்துவது கொசு கடியிலிருந்து பாதுகாப்பளிக்கும்.

சமூகத்தின் ஒருங்கிணைந்த முயற்சியால் சுற்றுப்புறத்தை சுத்தமாக வைத்தால் டெங்கு நோயை திறம்பட கட்டுப்படுத்த முடியும். இதற்காக சுகாதார மருத்துவ அதிகாரி அலுவலகத்துடன் இணைந்து திட்டமிட்ட செயல்பாடுகளை முன்னெடுக்க வேண்டும்.

டெங்கு வைரஸ் வேகமாகப் பரவும் காலங்களில், புகைமூட்டம் பரப்பிப் பூச்சிகளைக் கட்டுப்படுத்துதல் (fogging), வீடுகள் மற்றும் வணிக வளாகங்களில் ஆய்வு மேற்கொள்ளுதல் மற்றும் பொது விழிப்புணர்வுப் பிரச்சாரங்கள் போன்ற நடவடிக்கைகள், அப்பகுதி மக்களின் ஆரோக்கியமான மற்றும் பாதுகாப்பான வாழ்விற்கு வழிவகுக்கும்.